9-10月新一季活動報名

經過一個星期的掙扎，各位小朋友應該都順利開學啦！

作爲好多關心小朋友全面發展的家長，一早就開始問定我地“何時故事班可以報名呀？”“暑期個小厨神班組，我個仔好中意呀，有無得繼續呀？”

今日就一次過解答返大家的疑問！！！

Q：英文故事班何時舉行？可以可以報名？

A：本來暫定9月底可以舉行，但是因爲我地中心準備大裝修，房間安排唔到呀！所以我地積極咁聯絡利東社區會堂借場地，再和國際學校老師溝通協調，具體開課安排要遲些少才能公佈啦~~多謝各位的耐心等候！

Q：上一年有個專門for K1小朋友的英文故事小班，今個學年會唔會繼續搞？

A：會！呢個【K1英文故事班】是針對K1小朋友程度的英文入門班，利用不同的英文游戲、英文故事和英文兒歌，提高幼兒對英文的興趣，增加詞匯量。新一期會在下周二和下周四開始*，而且呢期，玩具銀行會員係免費噶！！！歡迎大家報名（報名方法在文章最下方）

Q：暑假好受歡迎的小厨神班，仲有無得玩？

A：有！徇眾要求，繼續開班！以煮食、烘焙為切入點，增加小朋友的動手能力和做家務能力。好消息就係，玩具銀行會員都係免費呀！！！新一期會在本周六開始*！！

Q:明白曬！點樣報名？

A：因爲是免費活動，所以大家不需要到中心都可以報名啦。我們稍後還會推出我們計劃的app，專門for報名和社區義工服務，大家可以期待下。

現在報名的方式都係：1、玩具銀行會員：直接whatsapp 69762245 報名;

2、中心會員：需要繳費，請到中心繳費報名。

*活動少於3人報名，可能會延期舉行